區域市政局遺跡 (Patreon)

喺整理舊文件嘅過程中搵返呢張當年係區域市政局寫比我嘅信，話說九七年我飛去溫哥華旅遊同埋做調查資料蒐集，出發之前區域市政局裏面嘅公務員同我講，可唔可以幫佢哋搵啲香港製造嘅玩具，因為將會成立一間新嘅博物館，咁我就義無反顧喺加拿大幫佢哋買咗Made inHong Kong嘅大批玩具，返到嚟交比相關公務員，佢哋真係好唔好意思咁同我講：其實我哋冇budget 㗎，可唔可以當你捐俾我哋啊！頂你個肺！事先又唔講清楚，咁我都算啦，捐畀你哋啦！之後就收到呢張唯一嘅多謝信，後來先知原來佢哋喺沙田起個文化博物館，開幕又唔請我、博物館證又唔送張俾我！鬼咩後來連市政局都無埋！但係我好似從來都冇喺文化博物館見到我呢批香港玩具展出過！