余仁生古堡前世今生1 (Patreon)

「余仁生古堡前世今生1」：我會一連幾日講述我啱啱去找尋余仁生古堡故事嘅前世今生，話說係啱啱個星期日，因為有朋友幫忙進入左一個私人地帶去尋找余仁生家族即係余東旋嘅古堡故事，首先講個前題，話說余東旋喺香港同南洋係數一數二嘅富商，當年喺港島及大埔有自己一個古堡式別墅，依家都拆晒啦！但當年有個傳說就係話佢家族有個指令或者可以叫做沮咒，就係講到明佢哋嘅後人係唔可以將呢啲古堡大宅拆卸否則就會家度中落，佢哋後人你話佢信邪又得！唔信邪又得！最終都拆晒賣晒比發展商，但係有將某部份古堡嘅建築物保留左落嚟，例如將嗰啲羅馬柱送咗俾政府其中一部份就擺放嘅而家九龍公園正門嗰個教育中心大門！當然余仁生家族係呢幾十年都大勢已去而且香港同新加坡分家，都係沮咒一般！大埔嘅古堡大約係28年前被後人拆卸，後來就買咗俾發展商興建成為依家雅景花園別墅式私人屋苑！當日我去參觀還可以見到余仁生古堡嗰個私人碼頭嘅遺跡，早幾年已經俾人拆爛晒，因為怕劫匪喺呢度登岸！你可能就問點解當年余仁生古堡自己有個碼頭嘅呢？咁除咗方便自己家族出入之外，當年仲有個城市傳聞，就係用嚟運送嗰啲非常之不明來歷嘅嘢！畫公仔唔使畫出腸嘅！以前好多製藥公司，背後就賣福壽糕傷害其他人身體，正面就賣藥幫人哋保護身體，兩家茶禮梗係要食晒啦！所以有沮咒都係啱㗎！