寰宇希望 (Patreon)

當我見到陳柏宇幫「寰宇希望」做義務廣告嘅時候，我真係忍唔住想講多次，到底有幾多人知道呢間香港註冊嘅慈善團體嘅真實背景呢？話說當年我喺香港一個教派香港基督教會COC主要成員，我係90年代睇住教派策劃同成立呢個「寰宇希望」，目的就係以慈善團體嘅名義做好多好似為服務大眾嘅工作，實質就係為咗返中國大陸做地下傳道工作，而接近100%嘅員工都係屬於COC嘅人！我見有好多義工係其他人，但係佢哋可能係完全唔知道呢個慈善團體嘅背景，而免費被利用！其實我係教派嘅時候同埋離開嘅時候我都有參與佢哋嘅慈善活動以及捐錢，但係我越嚟越忍受唔到嘅係，佢哋隱瞞自己宗教背景以及真正嘅動機！我都係相信：「你講明就唔算整蠱，你隱瞞就係欺騙！」好多識我嘅朋友都知我係以呢套座右銘行先！