張堅庭咪後嘢(下) (Patreon)
Published:
2018-12-14 07:05:58
Imported:
2021-07
Content
話說當日錄完vivtv之後,我就繼續問那張堅庭咪後嘢; 我就問佢n年前傳說佢係一個基督教佈道會,牧師話邊個有婚外情你就走出嚟啦!結果,佢就走咗出嚟!我問呢件事係咪真㗎?! 張堅庭好坦白咁話畀我聽,呢件事係真實的,不過個情況原意並不是這樣,話說當日佈道會牧師講嘅題目就係婚外情,講完之後牧師就叫邊個決志, 全場冇人夠膽走出嚟,但張堅庭就喊曬咁企咗出去,但係原來佢話唔知道當時牧師係講緊婚外情!點解咁呢?!原來有個故事前設,佈道會之前幾個月,佢因為自己手指不斷移動,就擔心自己患上柏金遜症,因為過度擔心就患上咗抑鬱症,當日佢其實係食咗抗抑鬱症藥模模糊糊,只係覺得上帝要請救佢唔好患栢金遜就走咗出去,根本都唔知牧師講乜,當時見到全場得佢一個企咗起身出咗去,擰轉面就見到自己個老婆撲喺師母嘅膊頭喊曬!當時佢心諗死啦,老婆一定以為我有婚外情無法解釋!點知後來先知原來佢老婆係因為驚佢有栢金遜症而喊曬! 佢話最好笑係後來原來醫生話畀佢聽你係做運動整傷咗隻手指,同柏金遜症係完全冇關!結果其實係一宗烏龍決志事件加烏龍柏金遜症事件……最終變成一宗烏龍婚外情事件!當然多謝張堅庭好老實咁講曬成個故事畀我聽! 聽完全場都喺度大笑!