點解啫？羅蘭姐！ (Patreon)

好坦白講啦呢個年代我真係已經唔知道點feel 㗎啦！要知道係呢幾年我都好小心去處理我嘅生活模式，大財團搵我賣廣告俾錢我賺，我真係差唔多全部都推曬㗎，可口可樂我又唔拍、康宏財務我又唔拍，雖然對於好多人來講我太過執着，但今日見到羅蘭姐幫中國華為手機拍左個廣告我真係有少少失望㗎！明知道呢度有個偷聽裝置比中國政府監控人嘅手機，點解羅蘭姐你肯為咗少少錢去拍呢？！有時我都唔係太明！我一向都認為佢係有堅持㗎！我只能幽佢一默，中梵建交唔再係神話啦！