解剖外星人事件續集 (Patreon)

真係冇諗過1995年嗰齣假嘅外星人解剖影片，竟然仲可以有新嘅發展！話說賺到盤滿缽滿嘅製作人Melaris近期同傳媒透露，當日佢係清清楚楚睇咗另一個當年自稱片段擁有者Santilli嘅真實黑白外星人解剖片，只不過係覺得質素太差畫面太惡劣，先至重新拍過套假嘅！（本文相片就是相關人士聲稱原裝正版影片內的外星人屍體！）當然佢冇表明呢段黑白影片係真定係假，但係強調之前係有一套相信係真實嘅外星人解剖片段而自己只不過係模擬重拍而已！我就覺得你講晒啦！當年賣完片比全世界，過咗幾年已經承認左自己係拍假片嚟賺錢，而家又話有套黑白原裝！我都係覺得你想再賣多一次啫！亞洲電視都執咗笠啦！冇人仲會再斬件播放多七日㗎啦！收手啦！