同志好走 (Patreon)

近排好多人死，不過有啲人完全香港人唔會關注， 其中包括中國光大集團創始人王光英先生！ 係人都知我係有收集訃文嘅習慣，因為好精彩， 王光英嘅訃文係由光大集團刊登喺香港嘅大公報， 表面上冇特別嘅地方， 因為相關人士可能要小心處理身份…… 但一落到國家層面就唔同啦！喺大陸黨媒刊登嘅訃文， 並非以先生稱呼王光英，而係用「同志」去稱呼，即係話其實佢係中國共產黨黨員嘅身份！ 要知道公開嘅故事話佢曾經多次要求加入共產黨但被中共拒絕， 而且曾經被中共稱為優秀嘅非黨員！但原來死後就清楚確實係共產黨員或者係地下黨員！ 中共對稱呼最謹慎！ 呢位紅色資本家身份確實係有啲傳奇， 因為佢就係劉少奇個舅仔！劉少奇本身又好敏感，當年成為咗國家主席，準備接替毛澤東嘅情況下，就被毛澤東搞個文化大革命整死咗佢！正如當年榮毅仁過身之後訃文中亦被稱為同志而被揭露真正黨員身份！ 今次人民日報與及中央電視台新聞聯播一齊稱呼王光英為同志， 算係真相大白！ 不過順帶一提 2012年，梁振英當年當選特首之後，3月28號人民日報喺人民網上稱呼梁振英為同志， 但可能有人知道事態嚴重，身份曝光，馬上刪除咗同志個稱呼…… 所以啲人話梁振英係地下黨員唔係冇根據，只不過係黨唔小心啫！