新身分證陰謀論 (Patreon)

入境處宣布，在12月27日展開全港市民換領新智能身份證計劃！你話無陰謀，我真係唔信！話說十多年前，香港第一次換智能身份證果時，我約咗個入境處管理層傾咗成粒鐘，當時我動機係想去說服政府在轉身份證之同時，將每個市民十指指紋記錄在案，方便破案！因當時只需要紀錄兩隻手指公指紋！入境處管理層清清楚楚親口同我講，政府並冇呢個打算，而且以後亦都冇機會了，事關在可見將來不會再換新身份證！這個會面我在腦中仍然記憶猶新之際，轉個頭你又換新身份證！？咁就好肯定係中國大陸叫你換㗎啦！而且新證裏面嗰晶片一定如大家之前所講可以追蹤到、竊取到你嘅個人資料！我甚至認為有裝置紀錄你當刻位置，更加再誇張啲可以收錄你現場錄對話錄音， 再傳訊到解放軍管理嘅小西灣發射站……！我依家梗係唔想政府收集市民10隻手指模啦！ 肯定會落入中共手升！當日你唔做，你以後都唔好做！但係年底開始換嘅新智能身份證，唔換又犯法喎！肉隨砧板上了！無計！