一個你唔想知但係你需要知的真人真事 (Patreon)
Published:
2018-10-09 13:29:03
Imported:
2021-07
Content
今日中午同左派人士食飯飲茶,認識咗個用技術專才計劃由山東嚟到香港讀書嘅大陸博士生小k!我梗係要多番探討敵方資料啦!同佢之間溝通,我發現咗香港真係實在大大鑊! 首先佢太太係大約十年前,係用技術專才計劃嚟到香港做嘢,攞埋身份證,之後佢就叫當時仲係男朋友嘅小k, 六年前依然係用技術專才計劃來到香港城市大學讀博士生,我其實完全唔知道呢個計劃可以竟然係嚟香港讀書而唔係來做嘢,之後兩個人喺香港結婚,喺香港生咗個女,我個腦裏面當然就飄出咗一系列掠奪香港資源嘅字眼啦!之後 今年六月小k畢業未搵到工, 但一年後佢已經可以成為香港人,就算搵唔到工都可以永久居留香港!小k同我講,其實依家大陸利用呢個專才台。計畫嚟到香港嘅人數已經有五十幾萬,就算有十萬人係決定離開返大陸,都已經有四十幾萬人因為呢種途徑來到香港居住工作,而佢都好認同呢個係大陸想溝淡香港人嘅手法之一, 佢點知呢個數字呢?原來數字唔係嚟自香港政府,係中聯辦!!! 因為所有用呢個技術專才計劃來到香港嘅人,最終原來份文件係要中聯辦確認簽名先至可以作實,並非香港政府!呢樣嘢我真係第一次聽第一次知!即係話不但止中聯辦呢個項目上有絕對話語權,甚至將一啲唔太聽話嘅大陸人摒除於專才計劃!呢個計劃係繼續不斷吸引緊大量大陸人定居香港工作…… 我哋仲唔死!