遇上丁子朗 (Patreon)

話說尋晚同個年輕朋友食完飯睇「毒魔」Venom首映，入到埸朋友同我講見到丁子朗，我就話連佢個樣係點我都唔係好記得，於是乎我哋兩個就大大聲係個戲院裏邊討論丁子朗，包括佢經常話自己仍然19歲、包括有人話佢好矮、包括有人講佢唔趁年輕賣肉幾時賣......總之無一句係好說話！我仲大大聲話佢之前同阿森你去拍日本出浴照，森美同我講其實佢有着褲㗎係個禁字太大乍！點知完場開燈，先發現原來佢坐我隔離再隔離，一定聽到晒我哋評頭品足佢！確實令我有少少尷尬！我確實有得罪人嘅天生本領！我終於明白點解有時啲人見到我唔睬我啦！