雲海大戰ISIS (Patreon)

今日講䦕文物古董，我就順便講個秘密小故事比大家聽！
話說幾年前 ISIS入侵敘利亞，將一個最重要嘅文化古蹟Palmyra徹底摧毀，其實我知道佢哋私底下係會走私文物販賣，當我兩年前知道其中一件Palmyra嘅文物係一個地下市場拍賣，我呢個傻佬為免文物流失去不知名嘅地方，我同全世界各地嘅黑市買家鬥出價！幾鬼刺激呀 ！
最終呢件文物就落咗喺我手！！！當然你就唔好問我幾多錢啦！現實版衛斯理 真係唔易做㗎！
當尼件文物寄到我手， 一打開……既憤怒又開心，事關我發現呢件文物係假嘅！係用石膏用現代手法啤出嚟㗎！即係話真正嘅文物冇落到地下市場……起碼呢件啦！當然，真正文物一定有好多流咗去西方國家甚至博物館……
我呢個隱形衛斯理阻止唔到好多單！😅 呢件假嘢我當然會珍惜收藏啦！點解我唔係李澤楷呢？！
ps. 尼一件假文物放出嚟嘅人係一個日本走私客！所以你明點解經常有啲日本人會喺敘利亞出現呢？