中間道停車場的故事 (Patreon)

琴日見到昔日中間道停車場改建中的巨型天秤厄立不到冇倒冧，令我諗起兩件事！第一件事上年我喺度捉違法泊車嘅時候，認識左呢個地盤嘅總承建商阿頭孫生，佢同我講好多大陸公司想佢用渣嘅鋼鐵去承擔起呢個天秤，佢死都唔肯，佢話自己係土生土長香港人做咗工程幾十年佢唔會用豆腐渣鋼鐵，否則個天秤冧咗邊個負責！所以你見到呢個天秤完全冇事，但有啲用cheap嘅嘢就出晒事啦！而當時佢仲同我講咗個秘密，話說佔領中環時期，佢有個地盤就係金鐘，佔領運動結束之後，有建制派親自同佢講，叫佢向佔中三子及學民學聯發律師信索償，呢個孫先生雖然唔係黃絲，但佢認為冇咁嘅必要，自己掏腰包陪左400幾萬俾人，都冇向任何人索償！隱藏喺香港其實仲有好多呢啲好人！相反喺香港建制派之後就不斷同唔同嘅人挑撥是非！其實呢個孫先生的故事都幾有趣㗎！佢曾經工業意外令到本身癱瘓，真係純粹憑意志力堅持每日運動游水，而家行得走得食得！個天有時真係會幫好人嘅！