不一樣的電影公司 (Patreon)

話說早前同panorama 電影公司合作宣傳，咁電影公司好好好專業叫我上佢哋Office睇一套成套電影先，唔鍾意可以唔合作，依家香港已經好少咁認真咁專業嘅電影團隊，咁我就上到去荔枝角佢哋Office升降機一開九reception左邊竟然係H MV個Office！吓！咁我就問個電影公司職員乜原來panorama係蕭定一嘅咩？職員就話係呀！蕭生買咗㗎！估唔到呢間原本係意大利電影公司都被香港買咗大無人知個喎！咁我轉入去電影公司Office之前就見到零一間公司「易財達」！嘩原來呢間都係阿蕭生！心諗咁就勁啦一間電影公司一間買DVD一間放數！咁條數點都唔會蝕啦！或者條數一定係蝕㗎啦！之後我就同個職員講估唔到蕭定一叻過佢老竇咁多喎！職員話，叻好多！原來佢老竇唔再講政治都係因為個仔叫佢唔唔好影響佢做生意！