英國新聞 102歲女士將挑戰跳傘慶生 同時為慈善機構籌款 25-8-2024 (Patreon)

來自沙福郡（Suffolk）嘅曼尼特 · 貝利（ Manette Baillie ）打算以破跳傘紀錄嘅方式嚟慶祝佢一百零二歲生日。雖然今次係貝利首次嘗試跳傘，但對呢啲挑戰佢並唔陌生，佢之前都曾經挑戰自己嘅極限，佢曾經喺銀石賽道駕駛法拉利賽車慶祝自己一百歲生日。

貝利將會喺星期日從東盎格利亞上空跳出飛機，成為英國最年長嘅跳傘者。呢個亦都會係佢人生中嘅第一次跳傘。佢將會喺貝克爾斯機場完成呢個挑戰，同時為三個慈善機構籌款，包括東盎格利亞空中救護隊（ EAAA ）、運動神經元病協會同班霍爾村禮堂。

貝利女士曾經喺第二次世界大戰期間喺埃及嘅皇家海軍女子服務隊服役，佢同東盎格利亞空中救護隊 講：「你一定要不斷尋求新嘅挑戰。我曾經同一名傘兵結婚，但自己從來都冇跳過傘。」

喺貝利挑戰自己之前，一啲跳傘發燒友同一啲心靈雞湯專家紛紛送嚟咗祝福同捐款，貝利女士甚至收到咗威爾士親王嘅親筆信。呢位將近一百零二歲、仍然開車嘅女士，對於挑戰自我並唔陌生，佢曾經喺銀石賽道駕駛法拉利賽車慶祝佢嘅一百歲生日，速度達到咗每小時一百三十英里。佢話︰「社區、朋友同與人為伴係我過上充實生活嘅秘訣。保持忙碌，對一切充滿興趣，對周圍嘅人友善，亦令佢哋對你友善。仲有，唔好忘記參加派對。」

東盎格利亞空中救護隊喺一份聲明中表示：「我哋好鍾意聽到來自東盎格利亞空中救護隊支持者嘅激勵人心嘅故事，所以當我哋聽到曼尼特嘅善舉同佢準備以呢種方式慶祝102歲生日嘅計劃時，感到非常感動。我哋所有人都衷心感謝並祝曼尼特生日快樂。」

目前，最年長跳傘者嘅紀錄由美國德州嘅阿福．布拉施克（ Alfred "Al" Blaschke ）保持，佢喺106歲時完成咗跳傘。