英國新聞 施紀賢︰成立特別警察隊伍應付示威 普利茅夫衝突中至少三名警員受傷 5-8-2024 (Patreon)

英國首相施紀賢響緊急應變小組( C O B R A )會議之後宣佈，警察將會成立一支「特別警察常備隊伍」(standing army of specialist officers) 嚟應對騷亂，呢支常備隊伍由「隨時可以被抽調以支持社區」嘅警員組成。施紀賢又話，將會加強刑事司法，並要求儘早識別參與騷亂嘅人，而警察會同樣嚴肅對待網上犯罪被同線下犯罪。呢支隊伍成立後，施紀賢話將會擁有一支特別警察常備隊伍同當值公共事務嘅警察，可以確保警察有足夠嘅人手去應對類似而家呢啲情況。施紀賢又再次強調：「而家呢個情況唔係係普通示威抗議，而係純粹嘅暴力，政府唔會容忍對清真寺或者穆斯林社區嘅攻擊。

對於改革英國黨（ Reform UK ）指責所謂嘅「雙重標準執法」，施紀賢回應話：「冇雙重標準執法。執法應該係無懼無偏，呢個正正就係應有嘅方式，亦係我所期待同要求嘅，所以呢個根本唔係問題。

至於今日，英國仍然有唔少地方出現示威，喺伯明翰，一名持刀男子襲擊天空新聞嘅採訪車，而天空新聞都觀察到有一大班穆斯林男子表示佢哋準備「保護」街道，以應對傳聞中嘅進一步極右示威。

而喺普利茅夫，兩個唔同嘅示威團體發生衝突，極右示威者同警察以及反種族主義反抗議者之間投擲物品，至少三名警察受傷，呢個係因為極右抗議者突破咗警察防線，試圖接近將佢哋同反對抗議者分隔開嘅防暴警察。期間有警察被目擊被拉離警察隊伍，呢名警察明顯受傷。目前雙方由防暴警察分隔。

英國國家警察局長委員會嘅更新，過去一星期同騷亂有關嘅逮捕人數已經達到378人。主席加文 · 斯蒂芬斯總警司表示，隨住各部門繼續識別涉案人員並繼續抓捕責任人，呢一個數字預計每日都會增加。佢表示，正喺全天候進行呢項工作。佢喺聲明中向公眾保證，英國各地已經建立咗統一而強有力嘅警務應對措施，我哋正全力以赴解決呢一個混亂局面，確保你哋嘅安全所有部門唔單止被要求增加當地嘅專業資源數量，仲要為全國協調嘅地區儲備作出貢獻。