英國新聞 英國多地爆反移民示威 多名警員受傷 示威者闖入安置申請庇護難民酒店縱火 4-8-2024 (Patreon)

喺南約郡洛達咸（Rotherham），蒙面反移民示威者闖入安置尋求庇護人士嘅酒店，並向警察投擲凳同打碎玻璃窗，包括騎警在內嘅警察試圖將示威者同旅館入口分開，但係另一班人打碎附近嘅玻璃門之後，照樣強行闖入旅館，用包括長木條在內嘅物品掟試圖保護酒店嘅警察，至少10名警察受傷，其中一名警察被昏迷。旅館員工同住客非常恐懼，但未報告佢哋有受傷。首相對呢啲暴力行為表示，要令參與極右暴行嘅暴徒將會後悔。目前有一個示威者因為涉嫌擾亂公共秩序被捕，而警方繼續將該群體驅散離開該地區。

據現場消息透露，暴徒闖入酒店後試圖縱火，並用垃圾桶封鎖出口。防暴警察及後成功將佢哋驅離酒店入口，但呢班人之後轉移到酒店側面，向窗戶投擲石頭，仲有蒙面男子向警察噴灑滅火器。除此之外，仲有幾名男子攻擊警車，包括使用從警察手上搶嚟嘅防暴盾牌。目前，警察已經喺旅館周圍形成一條防線，阻止任何人進入。

南克郡警察局助理局長林賽 · 巴特菲爾表示：「今日喺洛達咸，我哋嘅警察受到攻擊，至少有10人受傷，造成咗重大損失，呢班人喺充滿恐懼嘅居民同員工嘅酒店外縱火。 今日嗰啲人嘅冇腦行為除咗純粹嘅破壞，乜都冇達到，並令公眾同更廣泛嘅社區感到恐懼。」

喺向全國發表嘅講話中，首相施紀賢表示，今日及最近喺英格蘭同北愛爾蘭部分地區參與騷亂嘅人將會後悔，佢哋將面臨法律嘅全面制裁。佢又譴責呢場騷動定性為極右暴行，並表示：「我保證，無論係直接參與呢次騷亂嘅人，定係喺線上煽動行動後自己逃跑嘅人，都會後悔。呢個唔係普通示威抗議，而係有組織嘅暴力行為，喺我哋嘅街道或者網絡上都唔應該有佢嘅立足之地。」內政大臣顧綺慧表示，故意縱火燒毀一間明知有人喺入面嘅酒店係「極其令人震驚嘅」，而且南約郡警察局已經獲得政府支持，將會採取「最強硬嘅行動」。

喺米杜士堡，超過300人喺鎮上遊行，高舉反移民標語，並喺市中心邊走邊叫話「我哋要收返我哋嘅國家」 。一班蒙面示威者向住防暴警察投擲磚頭同其他不知名物件。佢哋仲將燃燒嘅垃圾桶推向持盾嘅警察，路面上遍佈冒煙嘅垃圾。克利夫蘭警察局表示，自下午約2點米杜士堡示威抗議開始以來，已經逮捕咗「多名」示威者。喺示威開始嘅半個鐘內，至少有兩個人被戴上手扣帶走，包括麥當勞在內的商店響幾百人走上街之後全部落閘。

除咗米杜士堡在赫爾、利物浦、特倫特河畔斯托克、諾丁漢、布里斯托、曼徹斯特、布萊克浦和貝爾法斯特等城鎮和城市發生的暴力事件中，多名警察受傷。同時，保頓實施咗第34條驅散通知，賦予警察額外權力處理任何引起反社會行為嘅人。而大曼徹斯特警察局（GMP）響曼徹斯特部分地區都同樣實施咗第34條驅散通知，利物浦、紹斯波特同黑池警察都採取咗同樣措施。