【讀者分享🇬🇧】卓慧思經濟政策，難敵英國央行的不作為 (Patreon)

讀過讀者分享英國新首相卓慧思經濟政策問題，有以下回應。

英國經濟問題除左文中所講咁，最近嘅通漲，可以話係央行嘅不作為導致。IMF舊年已經叫英國快啲加息去降通漲，但Bank of England（BoE）班人一於懶理，等到烏克蘭戰爭、通漲爆炸之後，仲話external shock加息無用。要知道英國係進口國，能源食物進口都係美金計價，英鎊弱令通漲百上加斤，而BoE班人夠膽叫人唔好要求加人工，避免刺激通漲，同時發放大量花紅比班離地高層。  

另一邊廂，Liz Truss內閣早就話要review BoE mandate (Tony Blair之前BoE唔係independent)，因為BoE班人加息太慢，上台之後，居然放軟手腳放過BoE。推出嘅減稅政策，對通漲完全係火上加油，可以話，佢地完全無任何經濟常識。最無奈係英國媒體只識報導政府嘅減稅政策，完全唔識去報BoE有幾廢，害左幾多人。  

由此可見，整個英國嘅精英階層不單傲慢，更加係離地及欠缺常識。英國嘅問題，唔只止係減唔減稅咁簡單，而係短視引致長年欠缺資本投資，導致成個國家Productivity低下。只要去睇下佢啲基建就知道，例如唔少水務系統仲用緊維多利亞年代嘅系統，維護起上黎有幾貴，大家可以想像下。英國嘅能源危機，都係因為多年唔肯起天然氣儲存設備同核電廠所致，想像下有北海油田，都可以搞到自己有能源危機，係幾咁可笑嘅一件事。  

整個國家都係十分之短視，過往十幾年，靠低息政策同洗俄國黑錢頂住，到今年要戒毒，自然十分痛苦。如果英國社會仲係咁短視，又唔放棄社會福利政策同地產遊戲，只會一直差落去，根本邊個做領袖，都唔會有太大分別。

▶️ 延伸視頻：新加坡國際能源分析師余家豪博士：北溪二號油管神秘爆炸，誰是黑手？誰有好處？
https://www.youtube.com/watch?v=AR8CW5Iqeo8