【讀者分享🇺🇦🇭🇰】一個香港中學老師的烏克蘭戰爭教材:假如沒有國安法,會讓學生這樣思考 (Patreon)
Content
我在一間本地英中擔任歷史科老師,但基於現時的形勢下,不便發言,加上生活苦悶,無發揮的空間,所以只能透過第三方發揮所能。
以下是我對烏克蘭的局勢的初步看法:
其實,俄烏之戰係多重勢力角力下的產物,亦會大大影響各國發展啲重大歷史事件。成件事錯綜複雜,利益交錯。但可以肯定係大國主導緊成件事啲走向。但眾觀咁多KOL、媒體啲分析,見到有好多局限:
1. 欠可靠並有系統的量化分析以衡量各國在經濟上的利弊得失的問題:
好多時,沒有足夠啲資訊做一個balance sheet,可能真係要用大數據分析先知道確實利弊得失啲情況。例如:
- 俄國 / 北約被制裁後?哪些資源能被替代,替代啲資源向邊個國家購買,購買啲條件係咩?
- 中國會幫俄國多少?邊D會幫?邊D唔會幫?唔幫啲話,俄國會揾邊D國家幫?
- 西方集團被制裁或國有化後,哪些資源能被替代,替代啲資源/商品向邊個國家購買,購買啲條件係咩?
- 美國會幫歐盟多少?邊D會幫?邊D唔會幫?唔幫啲話,歐盟會揾邊D國家幫?
- 美國又如何處理經濟上的失地?
2. 假消息及新聞不斷出現:
- 相片:完全沒有交代拍攝的前因後果,剪接、選擇性拍攝、造假係難以避免的問題。
- 影片:沒有交待戰爭時的實際情形,只有極少數的軍商及政府高層先知道發生咩事。普通市民只能透過媒體放風出來得知戰爭情況。中間有沒有人造假、隱瞞,無從考證。
- 兩大陣營提供敵方的狀況,有沒有跨大的成分,又無從得知。
- 兩國暗底裡做甚麼,不紀錄在檔案內,亦無從得知。
3. 成場俄烏戰爭最終結局的初步推算:結論:分到勝負為止,邊個頂唔算先,邊個輸
烏克蘭輸:(機會較細)
- 澤倫斯基主動投降,或被刺殺。
- 美國同北約放棄烏克蘭同追擊俄國。
- 戰事曼延至主要列強,甚至整個世界,或出現核戰。
俄羅斯輸 (中等機會):
按而家情況睇落,由於俄國同烏克蘭係不對等的戰爭,情況有點像越戰、蘇聯入侵阿富汗。美國、北約行緊啲係外交上啲上中策:不出一兵一卒,比一D剛好可以對抗俄國啲武器同資訊,特別係無人機、向平民派武器、尖端啲情報、STARLINK。皆因普京不容在外交上受挫,佢亦會繼續戰鬥,令俄國,甚至其盟友陷入長期戰爭啲泥濘裡面。當戰爭延長下去,俄國成場戰爭輸啲有人力資源、錢、其它盟國啲人情、科技輸入等。起中國同俄羅斯合作伙伴無強力啲支援下,其實係會頂唔順。
持續交著:(最大機會)
A. 雙方沒有共同可談判的中間點:
去軍事化:
- 烏克蘭必然要求有足夠的軍事力量或保護。
- 俄羅斯要求烏克蘭去軍事化。
- 無中間點傾得埋。不可能要烏克蘭解除武裝。亦如何確保烏克蘭係中立國家,同做援衝區?
領土問題:
- 西方集團同烏克蘭唔會承認Crimean同兩個獨立的國家。唔會比俄羅斯破壞國際秩序,亦唔接受俄羅斯的軍事威迫。
- 俄羅斯亦落唔到台,不能在領土上無所得。
- 你可以講公投同自治去解決問題,好似又符合聯合國憲章。但係,最核心啲係,邊個國家係影響到該地區的確實管治權。核心領土問題暫時見唔到有退讓的餘地。
賠贘問題:
- 俄羅斯入侵完,哪個國家負責賠贘同重建?北約、美國、中國定烏克蘭先?
4. 大國外交上利益的問題:
中國的考慮點:
- 暫時俄羅斯係被打擊啲對象。最理想係,暗中幫俄羅斯,但在外交上係中立國。咁起哩個階段西方國家暫不會將中國當成頭號敵人。
- 俄羅斯比人制裁,俄羅斯必然起唔同方面依重中國,中國係有利可圖。哩個交著情況越耐,中國在經濟上取得啲利益 (能源同重要資源)就越明顯。而且,由於俄羅斯向中國靠攏,加速左人民幣國際化發展啲進程,而中國亦可間接將俄羅斯啲產品運出去售賣。
- 前提係習大大的權位係鞏固。如果美方使用制裁中方官員啲資產,有多少係針對習大大。如唔多,正正係可以籍此借力打力,排除異己的一個策略。
- 雖然仍處於decoupling的階段,中美雙方還有經濟協作的地方,幫助俄羅斯所遭到啲全面制裁可能性不大。
- 習大大要連任,有機會係用武統台灣作為統一中國啲大業。所以,佢必須從俄烏戰爭中,了解清楚西方集團啲招數、武器及情報啲威力,同知道自己啲局限,為日後戰爭作好準備。所以,拖得耐,可睇到西方國家更多,何樂而不為。之後,就針對性對進行改革或者調整,以應對西方國家的威脅,例如:創建中國做啲starlink, Palantir Gothom平台、高端軍用無人機、加速製造戰略性的資源,以減少對西方集團的依頼等。
- 烏克蘭對中國的經濟利益影響好細,持久戰不影響中國。
- 如戰略上、軍事上援助俄羅斯,其實亦可測試下中方啲軍備、戰略。
- 習大大不知是否應承左普京要支援俄羅斯。但不能令俄羅斯輸,否則普京有可能比Kremlin或軍方推翻,而中國繼續成為美國頭號敵人,且失去了有力啲俄羅斯盟友。
- 美國在加息期間不敢出兵,而且又不想重蹈越戰的錯誤,更加唔會派兵。而法國又因為選情,而歐盟又因為天然氣、石油依頼俄國,無辦法全力支援下,正好令場戰爭持續下去。
美國的考慮點:
- 美國不能令俄羅斯西擴,威脅到波羅的海三國,北約的安全,以破壞國際秩序,亦唔可以開左先例。
- 消耗戰係可以削弱俄國的實力,解除俄羅斯對中國的威脅,矛頭指向中國。
- 俄國面對制裁下,向盟國靠攏。中方有可能被畐做蝕本生意﹐支援俄方,長遠而言,可能導致兩國因利益均佔不一,而有衝突。到時敵人的敵人係朋友啲情況下,敵對集團的成員會唔會向美國靠攏。
- 在不出一兵一卒的情況下,擊倒俄國,而令中國被迫派軍或軍火支援俄羅斯,之後可大條道理制裁威脅到美國的企業及軍方。
- 迫使俄羅斯多方面制裁北約,令西歐國家向美國靠攏,不再依頼俄羅斯。
- 能源
- Starlink的重要性
- 軍火
- 消費品 (沒有引用俄國消費品,美國消費品可能在歐洲上獲利)
- 人工智能、配合大數據啲情報 (可參考:https://www.palantir.com/in-defense-of-europe/en/)
- 籍以迫中國表態,借機制裁威脅美方的中資企業,加速decoupling。
- 測試美國的軍備,亦可拎走哂D倉底貨。
- 促進軍火生意。
- 測試戰時作略的策略,並作出調整。
- 制裁迫使政府切實落實新的能源政策以回應局勢改變,包括:加速油的生產及綠色能源的生產。 (創造有利的環境或危機,才可以順水推舟,推自己想推的政策)
- 透過制裁啲政策,令俄羅斯國有化西方集團的資產及令盧布大貶值,這迫使商賈找尋安全的地方從商。
- BIDEN在不出兵的情況下幫助烏克蘭。因為具有道德高地,在媒體的協助下,強化運送武器及提供情報的正當性。另外,這亦減少傷亡同開支,亦收到戰事啲果效,對BIDEN或民主黨的選情有利,不會造成越戰的問題。
歐盟的考慮點:
- 能源上依頼俄國,唔可以大力技援烏克蘭,以免戰事擴大,甚至斷俄國能源。
- 影響參選結果:參戰、能源價格大升,影響民生、道義上又要支援烏克蘭、又唔可以比烏克蘭加入歐盟拖累歐洲發展。所以,最好係極有限地技援烏克蘭同任由美國點做,令戰事延長。
5. 文件簽署:
即使簽左文件,監察機制係點、懲罰機制係點、會唔會好快又變左歷史文件?既然都好有機會成為歷史文件,又或者制衡力有限啲時候,談判同條約啲意義何在?但雙方邊談邊打,嘗試短暫謀求最大的好處。
達成共識 (有一些的機會,但顯然會有輸贏):
l 去軍事化:
- 俄勝:弱化烏克蘭的軍力,難以與俄國對抗,而西方集團不插手。
- 烏勝:西方國家支援、烏有自身的軍事力量,甚至有核武。
- 沒有中間點:烏克蘭的軍事不會威脅俄國,而俄國就不會再次入侵烏克蘭。衝突點:何謂不威脅俄國、何謂有足夠的保護程度?
l 領土及政權問題:
- 俄勝:能在東烏建立親俄國的政權,甚至被納入在俄國的領土。
- 烏勝:沒有割讓任何領土,不承認東烏的獨立及克里米亞屬於俄國的領土。
- 沒有中間點:西方國家及烏克蘭不容許有這先例,俄方則不能沒有任何實質上領土的得益,而中方則重提明斯克協定,即容許東烏歸入俄羅斯的勢力範圍。
l 賠贘問題:
- 俄勝:不賠贘任何烏克蘭啲損失,甚至由烏克蘭承擔俄國的損失。
- 烏勝:俄方賠贘任何烏克蘭啲損失,並協助重建。
- 沒有中間點:一方賠贘即代表認輸。
l 監察問題:
- 誰有監察和約運作的權力,誰就是勝利者。
6. 達成共識的動機:
l 中國考慮:
- 俄國長遠打落都係輸。談判避免俄國陷入消耗戰。
- 若場戰爭打落去,面對俄國進退失據或者輸緊,中方支援啲範疇越來越多,有機會比西方集團制裁,同令場戰爭擴大。
- 俄國向中國靠攏,目標達成,不需要延長戰事。
- 不想失去俄國哩位強力啲盟友。
- 避免延長及擴大戰事。
l 美國考慮:
- 歐盟向美國靠攏,目標達成,不需要延長戰事。
- 可放鬆制裁,有利美俄有限度的商貿往來。
- 不想持續地燒錢支援烏克蘭
- 俄國起戰爭失利,談判沒有籌碼起手,對西方集團有利。
- 避免延長及擴大戰事。
l 俄國考慮:
- 在大國對中小型國家不對等啲對峙下,俄國未能達到軍事目的。既然要打消耗戰,不如盡快和談了決左件事。
- 既然中方不會強力支援俄國,咁倒不如起談判桌上爭取最大的好處。
l 烏克蘭的考慮:
- 烏克蘭平民死傷越來越多。
- 西方集團的支援不足,這只會係一場消耗戰,倒不如和談,盡量從談判桌上爭取最大的好處。
l 北約考慮:
- 避免延長及擴大戰事。
- 唔想事情發展落去,在內部同外部壓力下,被逼要作大量的經濟及軍事支援。