【讀者分享】鄭市長抗疫的「戰略模糊」，為的是甚麼？ (Patreon)

所謂「Strategic Ambiguity」/「戰略模糊」，雖然係美國人發明嘅詞彙，不過某程度上，某啲大國更加鍾意用。有時係特登模糊內容，以爭取迴旋空間；有時卻係純粹唔知點做，或者未決定點做。

例如香港應否保持零感染（「清零」）政策。呢個對香港命運攸關嘅決定，唔止超出鄭姓市長嘅reach，個人認為再高層次嘅人都未有主意（旨意）。

理性嘅討論係香港應該「與病毒共存」。正正因為中國內地實行所謂「清零政策」，香港與病毒共存，先可以保存中國的金融中心與世界接軌，資本繼續流通，咁樣對中國嘅經濟都有幫助。

呢個係將香港「中國版星加坡化」嘅劇本。

風險係，由於Omicron病毒死亡率偏低，共存成功率高，萬一香港能夠與病毒共存，中共再難以Justify在內地嘅政策。

呢個係「真普選Paradox」：其實即使香港有民主普選，選十個，十個都會（只能）親中，對內地沒有直接利益影響，但動搖內地執政合法/合理性。

如果「與病毒共存」不被採用，第二個政策係「鐵腕清零」。Contrary to正常理解，如果中央想香港咁，其實國務院或人大一下決定就得（ft國安法）。好明顯嘅好處係可以保持（中共政權嘅）穩定。

問題在於，呢個係將香港「上海式解放」嘅劇本。

中共係香港搞國安法blah blah blah，而唔係直接取消一國兩制、直接新疆化，搞咁多野，目的就係收復香港之餘，又想保持住香港「自由開放」嘅牌面，而令外資繼續搵錢，中資即係洗錢，保持「金融中心」嘅招牌。

而宣布香港封城，直接等同宣告香港同中國內地（同其他實施清零嘅國家aka北韓）接軌，直接係政策上令香港等同上海。沒有香港嘅兩制，外資要搵錢可以直接上上海，要國際化嘅可以去星加坡。

終終終極嘅問題係，中共要多個上海完全冇用，如果佢哋想咁，亦都唔使搞咁多野。

其實冇人知香港會行方向一定二，中共未決定，香港班官更加唔知，所以過去兩年一直buytime，結果造成過去兩年嘅折騰。

不過鄭市長作為1.成功令香港人Connect；2.鞏固香港本土Identity；3.催生海外香港人diaspora嘅終極民主派，自然有佢獨特嘅功力。

中共兩年以黎未能夠下定決心嘅時候，竟然由一城首長逼入牆角，大家喺保持身體健康嘅時候，記得坐穩，睇戲，食花生。