【讀者分享💰】究竟咩人會買恆大股票？ (Patreon)

要了解咩人會買投資恆大，要先了解咩人唔會買恆大。

首先，你係窮人，你係唔會買恆大嘅。係，作為窮人，你炒股，可能都會買過恆大，但你唔會all in恆大buy and hold，因為佢唔係騰訊，佢係唔識一直升令你相信揸十年廿年後會發達。至於恆大美元債，恆大嘅I kill u later(accumulator)，sorry，要PI（professional investors)，一手債券要廿萬美金，kill u later 要一球美金起錶，所以都冇你份呀！最後，又冇投行（例如雷曼）把恆大包裝成迷債，所以窮人係註定無緣參與恆大這場盛宴，善哉善哉。

假如閣下係有d銀両家底，that depends。要視乎你係咩人。稍有知識嘅二三世祖又好，專業人士如星球醫生，又或因緣際遇因互聯網產業爆發而成為新興富豪，你係會睇唔起恆大呢種舊經濟，太boring太唔sexy，你會掂下，但你唔會沉迷，因為買d咁嘢揸會畀人笑。你會買ATMX嘅kill u later，會買FAANG，會買TSLA，會炒crypto，但你真係唔會買恆大囉。你買ATMX都會輸，but that's another story。

同樣，果d主權基金，中東佬鬼佬hedge fund，SoftBank之類，係唔會為咗嗰7厘8厘買恆大美元債，反正賭，點解唔買科技股/創投坐？所以淡馬錫會前排畀之前各個行業被整頓好頭㾗，但恆大爆煲佢係冇position咁濟。即使係bond fund，會有high yield bond fund焗住買d，但都唔會佔大比重，會樣樣有d。

所以，買得恆大好重position嘅，特別係恆大美元債，係好集中响嗰班人身上。呢個要下篇再為大家解答，而且會深入佢哋嘅內心世界。

(Graph: WSJ)