【讀者分享】香港人是如何被名利限制行動自由的 (Patreon)

剛行山聽完YouTube「香港人的人質，物質：烏干達狂人的廚師」一集。「因為份10萬月薪，第而度搵唔番而唔捨得走」的香港人，感受很深。  

有一部分人係呢種心態，我身邊朋友也有：他們一直在追逐主流的花錢方法，也享受那份有車、有樓、有工人、住好區的光環。「嘩，你住太古！」「嘩，你住九龍塘！」再加仔囡讀名校。呢個perfect的光環組合，叫「成功」。   

移民，對他們來說，除左無左以前份糧，仲係無左個光環。係屋仔做gardening，仔囡無得參加各項比賽，讀state school無得威，無得因為住house而威(個個都住緊）......  

喺外國，洗盡鉛華咁，典型香港人會唔得，會認為悶，因為無左目標，無左追求以前名利的目標 。以往幾十年，香港人就係被呢套追求名利洗腦，名校畢業，也是追求呢啲呢套價值觀。

結果入血太深，導致即使去到外國，明明可以以低啲成本，去享受優質的住屋及讀書環境，他們還是不捨，不習慣......  

名利對他們來說，不是過眼雲烟，而是塞滿心靈肉體精神的「毒品」。