【讀者分享】 中學生的公民與社會發展科内地考察私人報告 (Patreon)

X月X日 星期三  晴

朝早七點半返到學校集合（重早過返學😫），人齊後出發，一個鐘車程後响深圳灣口岸過關，轉乘内地巴士前往第一站「前海國際會議中心」。呢個行程無甚特別，只係帶我哋睇下個而家嘅前海同南沙嘅模型。

响會議中心隔離，就係今次「考察」嘅第一個重要景點「前海深港青年夢工廠」（圖一、圖二），内容就係鼓勵同支援香港年青人往內地創業，少不免講番d成功例子咁啦.....

Lunch 過後，就到第二個重要景點「南沙明珠灣開發展覽中心」（圖三），都係同夢工廠一樣，又係一大堆標語願景..... 加上今朝咁早起身，真係好😴😴呀！好彩第一日行程就係得呢兩個地方咋，唔係都唔知點頂。😫

X月X日 星期四  晴

早餐過後，去咗廣州市一間中學，同一班高二（即係香港中五）嘅學生交流，大家各派代表講下對香港同國家嘅願景（當然全程係用普通話），最後互相鼓勵大家努力讀書。不過同我講嘢時，嗰個内地學生係用粵語嘅。😂

食完lunch ，去完一個旅遊景點之後，終於去到今次行程最後嘅地方「廣州南高鐵站」，返香港啦！Yeah😃👋坐咗一個鐘高鐵，返到香港已經七點半，join 埋爸爸媽咪食飯時劈頭第一句：「我聽日肚疴！」大佬，星期三四去足兩日，星期五重要返學？咪玩啦。😣

响呢個交流旅程中，印像最深刻就係通街都係標語口號，曝光率最高就係被譽為一樣也做不到的廿四字金句：「富強、民主、文明、和諧、自由、平等、公正、法治、愛國、敬業、誠信、友善」。😅

▶️ 學習「國家安全教育框架」有感：以後上堂，仲可以點樣討論？
https://www.youtube.com/watch?v=OOdfCMkq1AM