【讀者分享 🇺🇸】 前瞻未來四年特朗普的「混沌理論」 (Patreon)

「混沌理論」 固然解釋咗，各個entities之間嘅互動，產生複雜、難以預測嘅狀況；然而二戰之後嘅世界秩序，亦可以有一個相對可測性高嘅工程師角度去睇。

之前有好幾篇 《奧本海默》 嘅影評，不妨首先以原子彈作比喻。引爆原子彈嘅一刻，核裂變所釋放嘅能量係不受控制（當中工程師嘅原子彈設計，係佢嘅組裝、儲存、運輸、同埋maximise yield）；但同樣係核裂變，去到核電廠嘅核反應堆，有一系列嘅參數及框架設定，就變成受到控制，按需求而攝取能量；當然，核電廠有運作規則，一旦唔根據操作指引，又或者多個系統嘅 redundancies 同時崩潰，個反應堆唔係 SCRAM 嘅話，就會發生 China Syndrome (it means nuclear meltdown. BTW, pun intended... 😉 )。

另一個簡單比喻，就係氣象作為一個 『混沌系統』（non-linear dynamic system），天氣預測以外（改善 measurement error 及 電腦運算提速，所以相對準確嘅日距有所增加），工程師可以做到嘅，就係建立一個無穿無爛框架、各樣參數都可以控制嘅温室。

二戰之後由美國主導，建立各種國際組織、rules of engagement，例如UN、IMF、GATT，形成一套不成文但係又有意思、有規矩嘅外交語言、外交回應（例如Simon教授及Larry早前評論以色列及伊朗之間，攻而不破嘅飛彈衝突）， 諸如此類，都係為『混沌』國際關係之中，提供一個框架，減少國際局勢發展嘅不確定性，同時減低各國對形勢作出誤判。某程度上，可以形容為一種工程。

只不過近年形成嘅軸心國家，有意推倒現有世界秩序，by default，自然係要做 destabilization 嘅事，破壞既定框架，以戰狼詞彙取代外交詞彙；此外，MAGA及軸心國家網軍，針對美國民主體制，亦有同樣嘅衝擊。假如我哋現有嘅世界秩序，成功地被軸心國家衝擊而脫離現時嘅平衡點，响過渡到下一個新世界秩序平衡點之前，唔知我哋响混沌之中，將會面對SCRAM定係China Syndrome。

Good Night, and Good Luck。

▶️ 蕭少滔：特朗普2.0：看不見中美貿易戰的好處，這是因為你太悲觀
https://www.youtube.com/watch?v=DgQeSCO8J_8